\startsong
\stitle{uzr aaane me.n bhii hai aur bulaate bhii nahii.n}
\lyrics{Daag Dehlvi}
\singers{Begum Akhtar}
\printtitle
#indian

uzr aane me.n bhii hai aur bulaate bhii nahii.n
baais-e-tark-e-mulaaqaat bataate bhii nahii.n

%[uzr = hesitate; bais-e-tark-e-mulaqat = basis for terminating acquaintanceship]

Kuub pardaa hai ke chilman se lage baiThe hai.n
saaf chhupate bhii nahii.n saamane aate bhii nahii.n

ho chukaa qata ta'luq to jafaae.n kyo.n ho
jinako matalab nahii.n rahataa vo sataate bhii nahii.n

ziist se ta.ng ho ae DaaG to jiite kyo.n ho
jaan pyaarii bhii nahii.n, jaan se jaate bhii nahii.n

#endindian
\endsong