\startsong
\stitle{laaii hayaat aae, qazaa le chalii chale}
\lyrics{Zauq}
\singers{Begum Akhtar}
\printtitle
#indian

laaii hayaat aae, qazaa le chalii chale
na apanii Kushii aae na apanii Kushii chale

%[qazaa = death]

bahatar to hai yahii ke na duniyaaa se dil lage
par kyaa kare.n jo kaam na be_dil_lagii chale

ho umr-e-Kizr bhii to kahe.nge baa_waqt-e-marg
ham kyaa rahe yahaa.N abhii aae abhii chale

%[Kizr = one with long life/immortal; baa_waqt-e-marg = at the time of death ]

jaate havaa-e-shauq me.n hai.n is chaman se zauq
apanii balaa se baad-e-sabaa kabhii chale

%[baad = wind]

duniyaa ne kis kaa raah-e-fanaa me.n diyaa hai saath
tum bhii chale chalo yuu.N hii jab tak chalii chale

%[fanaa = destruction/end]

naazaa.N na ho Kird pe jo honaa hai vo hii ho
daanish terii na kuchh merii daanishwarii chale

%[naazaa.N hona = to be proud; Kird = wisdom; daanish = intellect]

kam ho.nge is bisaat pe ham jaise bad_qimaar
jo chaal ham chale vo nihaayat burii chale

%[bad_qimaar = jinxed/one with bad luck]

#endindian
\endsong