\startsong
\stitle{ye na thii hamaarii kismet ki visaal-e-yaar hotaa}
\lyrics{Mirza Ghalib}
\singers{Begum Akhtar}
\printtitle
#indian

ye na thii hamaarii kismet ki visaal-e-yaar hotaa
agar aur jiite rahate yahii intazaar hotaa

koii mere dil se puuchhe tere tiir-e-niimakash ko
ye Kalish kahaa.N se hotii jo jigar ke paar hotaa

%[tiir-e-niimkash = half drawn arrow, Kalish = pain]

ye kahaa.N kii dostii hai ke bane hai.n dost naaseh
koii  chaaraasaaz hotaa, koii Gam_gusaar hotaa

%[naaseh = counsouler, chaarasaaz = healer, Gamgusaar = sympathiizer]

kahuu.N kis se mai.n ke kyaa hai, shab-e-Gam burii balaa hai
mujhe kyaa buraa thaa maranaa agar ek baar hotaa

ye masaail-e-tasavvuf, ye teraa bayaan  'Ghalib'
tujhe ham valii samajhate, jo na baadaa_Kvaar hotaa

%[masaail = topics, tasavvuf = mysticism, walii = prince/friend, baadaa_Kvaar = drinker]

#endindian
\endsong