\startsong
\stitle{shaam-e-firaaq ab na puuchh aaii aur aake Tal gaii}
\lyrics{Faiz Ahmed Faiz}
\singers{Farida Khanum #10}
\printtitle
#indian

shaam-e-firaaq ab na puuchh aaii aur aake Tal gaii
dil thaa ke phir bahal gayaa, jaa.N thii ke phir sambhal gaii

bazm-e-Kayaal me.n tere husn kii shamaa jal gaii
dard kaa chaa.Nd bujh gayaa, hijr kii raat Dhal gaii

jab tujhe yaad kar liyaa, subha mahak mahak uThii
jab teraa Gam jagaa liyaa, raat machal machal gaii

dil se to har muaamalaa karake chale the saaf ham
kahane me.n unake saamane baat badal badal gaii

#endindian
\endsong