\startsong
\stitle{gae dino.n kaa suraaG lekar kidhar se aayaa kidhar gayaa}
\lyrics{Nasir Kazmi}
\singers{Habib Wali Mohammed}
\printtitle
#indian

gae dino.n kaa suraaG lekar kidhar se aayaa kidhar gayaa
ajiib manuus ajanabii thaa mujhe to hairaan kar gayaa

Kushii kii rut ho ki Gam kaa mausam nazar use Dhuu.NDHatii hai har-dam
vo buu-e-gul thaa ki naGmaa-e-jaa.N mere to dil me.n utar gayaa

vo maikade ko jagaanevaalaa vo raat kii nii.nd u.Daanevaalaa
na jaane kyaa us ke jii me.n aayaa ki shaam hote hii ghar gayaa

vo raat kaa be-navaa musaafir, vo teraa shaair vo teraa "Nasir"
terii galii tak to hamane dekha thaaphir na jaane kidhar gayaa

#endindian
\endsong