\startsong
\stitle{ye na thii hamaarii qismat ke visaal-e-yaar hotaa}
\lyrics{Mirza Ghalib}
\singers{Habib Wali Mohammed}
\printtitle
#indian

ye na thii hamaarii qismat ke visaal-e-yaar hotaa
agar aur jiite rahate yahii intazaar hotaa

koii mere dil se puuchhe tere tiir-e-niimakash ko
ye Kalish kahaa.N se hotii jo jigar ke paar hotaa

kahuu.N kisase mai.n ke kyaa hai shab-e-Gam burii balaa hai
mujhe kyaa buraa haa maranaa agar ek baar hotaa

hue mar ke ham jo rusavaa hue kyo.n na garq-e-dariyaa
na kabhii janaazaa uThataa na kahii.n mazaar hotaa

ye masaail-e-tasavvuf ye teraa bayaa.N "Ghalib"
tujhe ham valii samajahate jo na baadaaKvaar hotaa

#endindian
\endsong