\startsong
\stitle{na Gubaar me.n na gulaab me.n mujhe  dekhanaa}
\lyrics{Ada Jafri}
\singers{Ada Jafri}
% Contributed by Wasim
\printtitle
#indian

na Gubaar me.n na gulaab me.n mujhe  dekhanaa
mere dard kii aab-o-tab me.n mujhe  dekhanaa

kisii vaqt shaam malaal me.n mujhe sochanaa
kabhii apane dil kii kitaab me.n mujhe dekhanaa

kisii dhun me.n tum bhii jo bastiyo.n ko tyaag do
isii rah-e-KaanaaKaraab me.n mujhe dekhanaa

kisii raat maah-o-najuum se mujhe  puuchhanaa
kabhii apanii chashm puraab me.n mujhe  dekhanaa

isii dil se ho kar guzar gae kaii kaaravaa.N
kii hijarto.n ke zaab me.n mujhe  dekhanaa

mai.n na mil sakuu.N bhii to kyaa huaa ke fasaanaa huu.N
naii daastaa.N naye baab me.n mujhe dekhanaa

mere Kaar Kaar savaal me.n mujhe Dhuu.NDhanaa
mere giit me.n mere Kvaab me.n mujhe  dekhanaa

mere aa.Nsuuo.n ne bujhaaii thii merii tashnagii
isii barg_ziidaa sahaab me.n mujhe  dekhanaaa

vahii ik lamhaa diid thaa ke rukaa rahaa
mere roz-o-shab ke hisaab me.n mujhe  dekhanaa

jo ta.Dap tujhe kisii aaiine me.n na mil sake
to phir aaiine ke javaab me.n mujhe  dekhanaa

#endindian
\endsong