\startsong
\stitle{maikadaa thaa, chaa.Ndanii thii, mai.n na thaa}
\lyrics{Abdul Hamid 'Adam'}
\singers{Abdul Hamid Adam}
\printtitle
#indian

maikadaa thaa, chaa.Ndanii thii, mai.n na thaa
ik mujassam beKudii thii mai.n na thaa

ishq jab dam to.Dataa thaa tum na the
maut jab sar dhun rahii thii, mai.n na thaa

tuur par chhe.Daa thaa jisane aap ko
vo merii diivaa.ngii thii, mai.n na thaa

maikade ke mo.D par rukatii hu_ii
muddato.n kii tashnagii thii, mai.n na thaa

mai.n aur us gu.nchadahan kii aarazuu
aarazuu kii sadagii thii, mai.n na thaa

gesuuo.n ke saaye me.n aaraam-kash
sar-barahanaa zi.ndagii thii mai.n na thaa

dair-o-kaabaa me.n "Adam" hairat-farosh
do jahaa.N kii badazanii thii, mai.n na thaa

#endindian
\endsong