\startsong
\stitle{suuraj kii har kiraN terii suurat pe vaar duu.N}
\singers{Abdul Hamid Adam #13}
\printtitle
#indian

suuraj kii har kiraN terii suurat pe vaar duu.N
dozaK ko chaahataa huu.N ki jannat pe vaar duu.N

itanii sii hai tasallii ki hogaa muqaabalaa
dil kyaa hai jaa.N bhii apanii qayaamat pe vaar duu.N

ik Kvaab thaa jo dekh liyaa nii.nd me.n kabhii
ik nii.nd hai jo terii muhabbat pe vaar duu.N

"Adam" hasiin nii.nd milegii kahaa.N mujhe
phir kyuu.N na zi.ndagaanii ko turbat pe vaar duu.N

#endindian
\endsong