\startsong
\stitle{bint-e-lamahaat  tumhaare lahaje me.n jo garmii-o-halaavat hai}
\lyrics{Akhtar ul Iman}
\singers{Akhtar ul Iman}
\printtitle
#indian

tumhaare lahaje me.n jo garmii-o-halaavat hai
ise bhalaa saa koii naam do vafaa kii jagah
ganiim-e-nuur kaa hamalaa kaho a.Ndhero.n par
dayaar-e-dard me.n aamad kaho masiihaa kii
ravaa.N-davaa.N hue Kushbuu ke qaafile har suu
Kalaa-e-sub_h me.n guu.Njii sahar kii shahanaaii
ye ek kohraa saa, ye dhu.Ndh sii jo chhaaii hai
is iltahaab me.n, surmagiin ujaale me.n
sivaa tumhaare mujhe kuchh nazar nahii.n aataa
hayaat naam hai yaado.n kaa, talK aur shiirii.n
bhalaa kisii ne kabhii ra.ng-o-buu ko paka.Daa hai
shafaq ko qaid me.n rakhaa, sabaa ko ba.nd kiyaa
har ek lamahaa gurezaa.N hai jaise dushman hai
na tum milogii na main, ham bhii dono.n lamahe hai.n
vo lamahe.n, jaake jo vaapas kabhii nahii.n aate

%[halaavat = sweetness; ganiim = enemy; aamad = arrival;]
%[ravaa.N-davaa.N = scattering/spread; Kalaa-e-sub_h = morning silence]
%[iltahaab = stupor; surmagiin = surmaaii; talK = bitter; shiirii.n = sweet]
%[shafaq = twilight/night; gurezaa.N = fleeing/fleeting]

#endindian
\endsong