\startsong
\stitle{tasavvur  phir vahii maa.Nge hue lamahe, phir vahii jaam-e-sharaab}
\lyrics{Akhtar ul Iman}
\singers{Akhtar ul Iman}
\printtitle
#indian

phir vahii maa.Nge hue lamahe, phir vahii jaam-e-sharaab
phir vahii taariik raato.n me.n Kayaal-e-maahataab
phir vahii taaro.n kii peshaanii pe ra.ng-e-laazavaal
phir vahii bhuulii huii baato.n kaa dhu.Ndhalaa saa Kayaal
phir vo aa.Nkhe.n bhiigii bhiigii daaman-e-shab me.n udaas
phir vo ummiido.n ke madafan zi.ndagii ke aas-paas
phir vahii fardaa kii baate.n, phir vahii miiThe saraab
phir vahii bedaar aa.Nkhe.n, phir vahii bedaar Kvaab
phir vahii vaaraftagii, tanahaaii, afasaano.n kaa khel
phir vahii ruKasaar, vo aaGosh, vo zulf-e-siyaah
phir vahii shahar-e-tamannaa, phir vahii taariik raah
zi.ndagii kii bebasii, uff vaqt ke taariik jaal
dard bhii chhinane lagaa, ummiid bhii chhinane lagii
mujhase merii aarazuu-e-diid bhii chhinane lagii
phir vahii taariik maazii, phir vahii bekaif  haal
phir vahii besoz lamahe.n, phir vahii jaam-e-sharaab
phir vahii taariik raato.n me.n Kayaal-e-maahataab

%[madafan = tomb; fardaa = tomorrow/future; saraab = illusion]
%[bedaar = sleepless; vaaraftagii = to be lost in oneself]
%[saragoshii = whispering; taariik = dark; bekaif = lifeless]

#endindian
\endsong