\startsong
\stitle{aziiz itanaa hii rakho ke jii sambhal jaae}
\lyrics{Obaidullah Aleem}
\singers{Obaidullah Aleem}
% Contributed by Fayaz Razvi
\printtitle
#indian

aziiz itanaa hii rakho ke jii sa.Nbhal jaae
ab is qadar bhii na chaaho ke dam nikal jaae

mile hai.n yuu.N to bahut aao ab mile.n yuu.N bhii
ke ruuh garmii-e-a.nfaas se pighal jaae

muhabbato.n me.n ajab hai dilo.n ko dha.Dakaa saa
ke jaane kaun kahaa.N raastaa badal jaae

rahe vo dil jo tamannaa-e-taazaa tar me.n rahe
Kushaa vo umr jo Kvaabo.n hii me.n bahal jaae

mai.n vo charaaG-e-sar-e-rahaguzaar-e-duniyaa huu.N
jo apanii zaat kii tanhaaiiyo.n me.n jal jaae

har ek lahajaa yahii aarazuu yahii hasarat
jo aag dil me.n hai vo sher me.n bhii Dhal jaae

#endindian
\endsong