\startsong
\stitle{kah rahii hai hashr me.n vo aa.Nkh sharmaaii huii}
\lyrics{Ameer Minai}
\singers{Ameer Minai}
\printtitle
#indian

kah rahii hai hashr me.n vo aa.Nkh sharmaaii huii
haae! kaise is bharii mahafil me.n rusvaaii huii

aaiine me.n har adaa ko dekh kar kahate hai.n vo
aaj dekhaa chaahiye kis kis kii hai aaii huii

kah tuu ae gul_chii.n asiiraan-e-kafas ke vaaste
to.D luu.n do chaar kaliyaa.N mai.n bhii murjhaaii huii

mai.n to raaz-e-dil chhupaauu.N par chhipaa rahane bhii de
jaan kii dushman ye zaalim aa.Nkh lalachaaii huii

Gamazaa-o-naaz-o-adaa sab me.n hai hayaa kaa lagaao
haae re! bachapan kii shoKii bhii hai sharmaaii huii

vasl me.n Kaalii huii raqiibo.n se mahafil to kyaa
sharm bhii jaae to jaanuu.N ke tanhaaii huii

gard u.Dii aashiq kii turbat se to jhu.njhalaa ke kahaa
waah sar cha.Dane lagii paa.Nv kii Thukaraaii huii

#endindian
\endsong