\startsong
\stitle{chaa.Nd ke saath kaii dard puraane nikale}
\lyrics{Amjad Islam Amjad}
\singers{Amjad Islam Amjad}
\printtitle
#indian

chaa.Nd ke saath kaii dard puraane nikale
kitane Gam the jo tere Gam ke bahaane nikale

fasl-e gul aaii phir ik baar asiiraan-e-vafaa
apane hii Kuun ke dariyaa me.n nahaane nikale

hijr ki choT ajab sa.ng-shikan hotii hai
dil kii befaiz zamiino.n se Kazaane nikale

umr guzarii hai shab-e-taar me.n aa.Nkhe.n malate
kis ufaq se meraa Kurshiid na jaane nikale

kuu-e-qaatil me.n chale jaise shahiido.n kaa juluus
Kvaab yuu.N bhiigatii aa.Nkho.n ko sajaane nikale

dil ne ik iiTh se taamiir kiyaa taaj-mahal
tuu ne ik baat kahii laakh fasaane nikale

dasht-e tanahaaii-e-hijraa.N me.n kha.Daa sochataa huu.N
haae kyaa log meraa saath nibhaane nikale

mai.n ne "Amjad" use bevaastaa dekhaa hii nahii.n
vo to Kushbuu me.n bhii aahaT ke bahaane nikale

#endindian
\endsong