\startsong
\stitle{kahii.n ummiid sii hai dil ke nihaa.NKhvaane me.n}
\lyrics{Ahmed Mushtaq}
\singers{Ahmed Mushtaq}
\printtitle
#indian

kahii.n ummiid sii hai dil ke nihaa.NKvaane me.n
abhii kuchh vaqt lagegaa ise samajhaane me.n

mausam-e-gul ho ki patajha.D ho, balaa se apanii
ham ki shaamil hai.n na khilane me.n  na murjhaane me.n

ham se maKfii nahii.n kuchh rahaguzar-e-shauq kaa haal
hamane ik umr guzaarii hai havaaKvaane me.n

hai yuu.N hii ghumate rahane kaa mazaa hii kuchh aur
aisii lazzat na pahu.Nchane me.n na rah jaane me.n

naye diivaano.n ko dekhe.n to Kushii hotii hai
ham bhii aise hii the jab aae the viiraane me.n

mausamo.n kaa koii maharam ho to usase puuchho
kitane patajha.D abhii baaqii hai.n bahaar aane me.n

#endindian
\endsong