\startsong
\stitle{Karabalaa  garmii kaa roz-e-ja.ng kii kyo.nkar karuu.N bayaa.N}
\lyrics{Babar Ali Anees}
\singers{Babar Ali Anees}
\printtitle
#indian

garmii kaa roz-e-ja.ng kii kyo.nkar karuu.N bayaa.N
Dar hai ke masl-e-shamaa na jalane lage zabaa.N
vo luu, ke alhazar! vo haraarat, ke alamaa.N!
ran kii zamii.n to surK thii aur zard aasmaa.N

aab-e-Kunak ko Kalaq tarasatii thii Kaak par
goyaa hawaa se aag barasatii thii Kaak par

vo luu, vo aaftaab kii shiddat, vo tab-o-taab
kaalaa thaa ra.ng dhuup se din kaa misaal-e-shab
Kud nahar-e-alqamaa ke bhii suukhe hue the lab
Kaime jo the habaabo.n ke tapate the sab ke sab

u.Datii thii Kaak, Kushk thaa chashmaa hayaat kaa
Kaulaa huaa thaa dhuup se paanii faraat kaa

jhiilo.n se chaarapaae na uThate the ta ba shaam
maski.n me.n machhalio.n ke sama.ndar kaa thaa maqaam
aahuu jo kaahile the to chiite siyaah_faam
paththar pighal ke rah gaye the masl-e-mom khaam

surKii u.Dii thii phuulo.n se, sabzii gayah se
paanii kue.n me.n utaraa thaa saaye kii chaah se

koso.n kisii shajar me.n na gul the na barg-o-baar
ek ek nakhal jal rahaa thaasuurat-e-chinaar
ha.Nsataa thaa koii gul na lahakataa thaa sabazaraar
kaa.NTaa huii thiisuukh ke har shaakh-e-baar Daar

garmii ye thii kii ziist se dil sab ke sard the
patte bhii masle-e-cheharaa-e-madquuq zard the

aab-e-rawaa.N se muu.Nh na uThaate the jaanavar
ja.ngal me.n chhipate phirate the taair idhar udhar
mardam the saat pardo.n ke a.ndar araq se tar
Kas_Kaanaa-e-mizhgaa.N se nikalatii na thii nazar

gar chashm se nikal kar Thahar jaae raah me.n
par jaae.n laakh aable_paa-e-nigaah me.n

sher uThate the na dhuup ke maare kachhaar se
aahuu na muu.Nh nikalate the sabzaazaar se
aaiinaa mahar kaa thaa muqaddar Gubaar se
garduu.N ko tap cha.Dii thiizamii.n ke bukhaar se

garmii se muztarib thaa zamaanaa zamiin par
bhun jaataa thaa jo girataa thaa daanaa zamiin par

girdaab par thaa sholaa-e-javaalaa kaa gumaa.N
a.ngaare the habaab, to paanii sharar fishaa.N
muu.Nh se nikal pa.Dii thii har ek maujkii zabaa.N
tah par the sab niha.ng, magar thii labo.n pe jaa.N

paanii thaa aag, garmii-e-roz-hisaab thii
maahii jo siikh-e-mauj tak aaii kabaab thii

aaiinaa-e-falak ko na thii taab-o-tab kii taab
chhipane ko barq chaahatii thii daaman-e-sahaab
sab ke sivaa thaa garm mizaajo.n ko iztiraab
kaafuur-e-subah Dhuu.Ndhataa phirataa thaa aaftaab

bha.Dakii thii aag gumbad-e-charkh-e-asiir me.n
baadal chhipe the sab kurrah-e-zamharir me.n

#endindian
\endsong