\startsong
\stitle{lab-e Khaamosh se afshaa hogaa}
\lyrics{Ahmed Nadeem Qasmi}
\singers{Ahmed Nadeem Qasmi}
\printtitle
#indian

lab-e Kaamosh se afshaa hogaa
raaz har ra.ng me.n rusvaa hogaa

dil ke saharaa me.n chalii sard havaa
abr gulazaar pe barasaa hogaa

tum nahii.n the to sar-e-baam-e-Kayaal
yaad kaa koii sitaaraa hogaa

kis tavaqqo pe kisii ko dekhe.n
koii tum se bhii hasii.n kyaa hogaa

ziinat-e-halqaa-e-aaGosh bano
duur baiThoge to charchaa hogaa

zulmat-e-shab me.n bhii sharmaate ho
dard chamakegaa to phir kyaa hogaa

jis bhii fanakaar kaa shaahakaar ho tum
us ne sadiyo.n tumhe.n sochaa hogaa

kis qadar karb se chaTakii hai kalii
shaaK se gul koii TuuTaa hogaa

umr bhar roe faqat is dhun me.n
raat bhiigii to ujaalaa hogaa

saarii duniyaa hame.n pahachaanatii hai
koii ham-saa bhii na tanhaa hogaa

#endindian
\endsong