\startsong
\stitle{maruu.N to mai.n kisii chehare me.n ra.ng bhar jaauu.N}
\lyrics{Ahmed Nadeem Qasmi}
\singers{Ahmed Nadeem Qasmi}
% Contributed by Tejjit Kalsi
\printtitle
#indian

maruu.N to mai.n kisii chehare me.n ra.ng bhar jaauu.N
nadiim! kaash yahii ek kaam kar jaauu.N

ye dahst-e-tark-e-muhabbat ye tere qurb kii pyaas
jo izaa.N ho to terii yaad se guzar jaauu.N

%[izan=ijaazat]

meraa vajuud merii ruuh ko pukaarataa hai
terii taraf bhii chaluu.N to Thahar Thahar jaauu.N

tere jamaal kaa parato hai sab hasiino.n par
kahaa.N kahaa.N tujhe Dhuu.NDhuu.N kidhar kidhar jaauu.N

%[parato=saayaa,aks]

mai.n zi.ndaa thaa ki teraa i.ntezaar Katm na ho
jo tuu milaa hai to ab sochataa huu.N mar jaauu.N

ye sochataa huu.N ki mai.n but-parast kyuu.N na huaa
tujhe qariib jo paauu.N to Kud se Dar jaauu.N

kisii chaman me.n, bas is Kauf se, guzar na huaa
kisii kalii pe na bhuule se paa.Nv dhar jaauu.N

ye jii me.n aatii hai, taKliiq-e-fan ke lamho.n me.n
ki Kuun ban ke rag-e-sa.ng me.n utar jaauu.N

%[taKliiq-e-fan = creation of art]

#endindian
\endsong