\startsong
\stitle{labo.n pe narm tabassum rachaa ke dhul jaaye.N}
\singers{Ahmed Nadeem Qasmi #9}
\printtitle
#indian

labo.n pe narm tabassum rachaa ke dhul jaaye.N
Kudaa kare mere aa.Nsuu kisii ke kaam aaye.N

jo ibtadaa-e-safar me.n diye bujhaa baiThe
vo badanasiib kisii kaa suraaG kyaa paaye.N

talaash-e-husn kahaa.N le chalii Kudaa jaane
uma.ng thii ki faqat zi.ndagii ko apanaaye.N

bulaa rahe hai.n ufaq par jo zard-ruu Tiile
kaho to ham bhii fasaane ke raaz ho jaaye.N

na kar Kudaa ke liye baar-baar zikr-e-bahisht
ham aasmaa.N kaa mukarrar fareb kyo.n khaaye.N

tamaam mayakadaa sun-saan mayagusaar udaas
labo.n ko khol kar kuchh sochatii hai.n miinaaye.N

#endindian
\endsong