\startsong
\stitle{kachchii diivaar huu.N Thokar na lagaanaa mujhako}
\singers{Asrar Ansari}
\printtitle
#indian

kachchii diivaar huu.N Thokar na lagaanaa mujhako
apanii nazaro.n me.n basaa kar na giraanaa mujhako

tum ko aa.Nkho.n me.n tasavvur kii tarah rakhataa huu.N
dil me.n dha.Dakan kii tarah tum bhii basaanaa mujhako

baat karane me.n jo mushkil ho tumhe.n mahafil me.n
mai.n samajh jaauu.Ngaa nazaro.n se bataanaa mujhako

vaadaa utanaa hii karo jitanaa nibhaa sakate ho
Kvaab puuraa jo na ho vo na dikhaanaa mujhako

apane rishte kii nazaakat kaa bharam rakh lenaa
mai.n to aashiq huu.N diivaanaa na banaanaa mujhako

#endindian
\endsong