\startsong
\stitle{yahaa.N se ab kahii.n le chal Khayaal-e-yaar mujhe}
\singers{Aziz Warsi#1}
\printtitle
#indian

yahaa.N se ab kahii.n le chal Kayaal-e-yaar mujhe
chaman me.n raas na aayegii ye bahaar mujhe

terii latiif nigaaho.n kii Kaas jumbish ne
banaa diyaa terii fitarat kaa raazadaar mujhe

merii hayaat kaa a.njaam aur kuchh hotaa
jo aap kahate kabhii apanaa jaa.N-nisaar mujhe

badal diyaa hai nigaaho.n ne ruK zamaane kaa
kabhii rahaa hai zamaane pe iKtiyaar mujhe

ye haadasaat jo hai.n iztaraab kaa paiGaam
ye haadasaat hii aaye.nge saazagaar mujhe

"Aziz" ahal-e-chaman kii shikaayat besud
fareb de ga_ii ra.ngiinii-e-bahaar mujhe

#endindian
\endsong