\startsong
\stitle{manzil-e-jaanaa.N ko jab ye dil ravaa.N thaa dosto}
\lyrics{Jagannath Azad}
\singers{Jagannath Azad}
% Contributed by: Dinesh Shenoy
\printtitle
#indian

manzil-e-jaanaa.N ko jab ye dil ravaa.N thaa dosto
tum ko mai.n kaise bataauu.N kyaa samaa.N thaa dosto

har gumaa.N pahane hue thaa ek malbuus-e-yaqii.n
har yaqii.n jaa.N daadaa-e-husn-e-gumaa.N thaa dosto

dil ki har dha.Dakan makaan-o-laamakaa.N par thii muhiit
har nafas raaz-e-do_aalam kaa nishaa.N thaa dosto

kyaa Kabar kis justajuu me.n is qadar aawaaraa thaa
dil ke jo ganjiinaa-e-sarr-e-nihaa.N thaa dosto

Dhuu.NDhane par bhii na milataa thaa mujhe apanaa vujuud
mai.n talaash-e-dost me.n yuu.N benishaa.N thaa dosto

markad-e-iqbal par haazir thii jab dil ki ta.Dap
zi.ndagii kaa ek pardaa darmiyaa.N thaa dosto

qurb ne paidaa kiyaa thaa Kud hii duuri kaa samaa.N
faasalaa varna haayil kahaa.N thaa dosto ?

beKudii me.n jab mere ho.nTo.n ne chuumaa qabr ko
mere siina se gadaa-e-fursiyaa.N thaa dosto

ruu-ba-ruu-e-jalwaa-e-markad, vujood-e-kam ayaar
zarr-e-naaqis sharmasaar-e-imtehaa.N thaa dosto

partav-e-dil me.n nihaa.N thii tah-bateh ye Kaamoshii
ishq kaa wo bhii ik izhaar-e-bayaa.N thaa dosto

jalwaagaah-e-dost kaa aalam kahuu.N mai.n tum se kyaa?
jalwaa hi jalwaa wahaa.N thaa, mai.n kahaa.N thaa dosto?

sajdagaah-e-Kurshiyaa.N thaa, yaa.N na jaane kyaa thaa wo
jo merii nazaro.n ke aage aastaa.N thaa dosto

dil ne har lamhe ko dekhaa ik niraale ra.ng me.n
lamhaa lamhaa daastaa.N dar daastaa.N thaa dosto

jis ke she'r-o-naGmagii par vusat-e-aalam thii ta.ng
har subah ko woh dopahre bekaraa.N thaa dosto

so rahaa thaa Kaak ke niiche jahaan-e-zi.ndagii
raaz-e-hastii merii nazro.n par ayaa.N thaa dosto

kaash tum bhii merii palko.n kaa nazaaraa dekhate
ye nazaaraa kahqashaa.N dar kahqashaa.N thaa dosto

#endindian
\endsong