\startsong
\stitle{har shaam jalate jismo.n kaa gaa.Dhaa dhuaa.N hai shahar}
\singers{Aziz Qaisi #2}
\printtitle
#indian

har shaam jalate jismo.n kaa gaa.Dhaa dhuaa.N hai shahar
mar-ghaT kahaa.N hai ko_ii bataao kahaa.N hai shahar

phuTapaath par jo laash pa.Dii hai usii kii hai
jis gaa.Nv ko yaqii.n thaa ki rozii-rasaa.N hai shahar

mar jaa_iye to naam-o-nasab puuchhataa nahii.n
murdo.n ke sil-sile me.n bahut meharabaa.N hai shahar

rah rah ke chiiK uThate hai.n sannaaTe raat ko
ja.ngal chhupe hu_e hai.n vahii.n par jahaa.N hai shahar

bhuuchaal aate rahate hai.n aur TuuTataa nahii.n
hamjaise mufliso.n kii tarah saKt-jaa.N hai shahar

laTakaa huaa tren ke Dibbo.n me.n subah-o-shaam
lagataa hai apanii maut ke muu.Nh me.n ravaa.N hai shahar

#endindian
\endsong