\startsong
\stitle{vusa't-e-chashm ko a.ndoh-e-basaarat likhaa}
\singers{Azm Behzad #1}
\printtitle
#indian

vusa't-e-chashm ko a.ndoh-e-basaarat likhaa
mai.n ne ik vasl ko ik hijr kii haalat likhaa

mai.n ne likkhaa ke safaa-e-dil kabhii Kaalii na ho
aur kabhi Kaalii ho bhii to malaamat likhaa

mai.n ne paravaaz likhii hadd-e-falaq se aage
aur be-baal-o-parii ko bhii nihaayat likhaa

mai.n ne dastak ko likhaa kash-ma-kash-e-be-Kabarii
jumbish-e-pardaa ko aane kii ijaazat likhaa

mai.n ne Kushbuu ko likhaa dastaras-e-gum-shudagii
ra.ng ko faasalaa rakhane kii riyaayat likhaa

zaKm likhane ke liye mai.n ne likhii hai Gafalat
Kuun likhanaa thaa magar mai.n ne haraarat likhaa

husn-e-go_aa_ii ko likhanaa thaa likhii saragoshii
shor likhanaa thaa so aazar-e-sama'at likhaa

mai.n ne taabiir ko tahariir me.n aane na diyaa
Kvaab likhate hu_e mohataaj-e-bashaarat likhaa

ko_ii aasaan rafaaqat nahii.n likhii mai.n ne
qarb ko jab bhii likhaa jazb-e-raqaabat likhaa

itane daao.n se guzar kar ye Kayaal aataa hai
"Azm" kyaa tum ne kabhii harf-e-nadaamat likhaa

#endindian
\endsong