\startsong
\stitle{kabhii yuu.N bhii aa merii aa.Nkh me.n ke merii nazar ko Khabar na ho}
\lyrics{Bashir Badr}
\singers{Bashir Badr}
\printtitle
#indian

kabhii yuu.N bhii aa merii aa.Nkh me.n ke merii nazar ko Kabar na ho
mujhe ek raat navaaz de magar uske baad sahar na ho

%[navaaz - to grant]

vo ba.Daa rahiim-o-kariim hai mujhe ye sifat bhii ataa kare
tujhe bhuulane kii duaa karuu.N to duaa me.n merii asar na ho

%[rahiim-o-kariim - kind & generous; sifat - talent]

mere baazuo.n me.n thakii thakii , abhii mahav-e-Kvaab hai chaa.Ndanii
na uThe sitaaro.n kii paalakii, abhii aahaTo.n kaa guzar na ho

ye Gazal ki jaise hiran kii aa.Nkho.n me.n pichhalii raat kii chaa.Ndanii
na bujhe Karaabe kii roshanii, kabhii becharaaG ye ghar na ho

vo firaaq ho yaa visaal ho, terii yaad mahakegii ek din
vo gulaab ban ke khilegaa kyaa, jo chiraaG ban ke jalaa na ho

kabhii dhuup de, kabhii badaliyaa.N, dil-o-jaa.N se dono.n qubuul hai.n
magar us nagar me.n na qaid kar jahaa.N zi.ndagii kii havaa na ho

kabhii din kii dhuup me.n jhuum ke kabhii shab ke phuul ko chuum ke
yuu.N hii saath saath chale.n sadaa kabhii Katm apanaa safar na ho

%[shab - night]

mere paas mere habiib aa zaraa aur dil ke qariib aa
tujhe dha.Dakano.n me.n basaa luu.N mai.n ke bichha.Dane kaa kabhii Dar na ho

%[habiib - beloved]

#endindian
\endsong