\startsong
\stitle{na jii bhar ke dekhaa na kuchh baat kii}
\singers{Bashir Badr #17}
% Additions by Harshad Kamat
\printtitle
#indian

na jii bhar ke dekhaa na kuchh baat kii
ba.Dii aarazuu thii mulaaqaat kii

ka_ii saal se kuchh Kabar hii nahii.n
kahaa.N din guzaaraa kahaa.N raat kii

ujaalo.n kii pariyaa.N nahaane lagii.n
nadii gunagunaa_ii Kayaalaat kii

mai.n chup thaa to chalatii havaa ruk ga_ii
zubaa.N sab samajhate hai.n jazbaat kii

sitaaro.n ko shaayad Kahbar hii nahii.n
musaafir ne jaane kahaa.N raat kii

muqaddar mere chashm-e-pura'ab kaa
barasatii hu_ii raat barasaat kii

#endindian
\endsong