\startsong
\stitle{ai jazbaa-e-dil gar mai.n chaahuu.N har chiiz muqaabil aa jaae}
\singers{Behzad Lucknawi #4}
% Additions by Fayaz Razvi
\printtitle
#indian

ai jazbaa-e-dil gar mai.n chaahuu.N har chiiz muqaabil aa jaae
ma.nzil ke liye do gaam chaluu.N aur saamane ma.nzil aa jaae

ai dil kii Kalish chal yuu.N hii sahii, chalataa to huu.N unakii mahafil me.n
us vaqt mujhe chau.nkaa denaa jab ra.ng pe mahafil aa jaae

ai rahabar-e-kaamil chalane ko tayyaar to huu.N par yaad rahe
us vaqt mujhe bhaTakaa denaa jab saamane ma.nzil aa jaae

haa.N yaad mujhe tum kar lenaa aavaaz mujhe tum de lenaa
is raah-e-muhabbat me.n koii darapaish jo mushkil aa jaae

ab kyuu.N Dhuu.NDhuu vo chashm-e-karam hone de sitam balaa-e-sitam
mai.n chaahataa huu.N ai jazbaa-e-Gam mushkil pas-e-mushkil aa jaae

is jazb-e-dil ke baare me.n ik mashvaraa tum se letaa huu.N
us vaqt mujhe kyaa laazim hai jab tujh pe meraa dil aa jaae

ai barq-e-tajalli kyaa tuune mujhako bhii muusaa samajhaa hai
mai.n tuur nahii.n jo jal jaauu.N jo chaahe muqaabil aa jaae

#endindian
\endsong