\startsong \stitle{aa_ii na phir nazar kahii.n jaane kidhar ga_ii} \singers{Baqi Siddiqui #1} \printtitle #indian aa_ii na phir nazar kahii.n jaane kidhar ga_ii un tak to saath gardish-e-shaam-o-sahar ga_ii %[gardish-e-shaam-o-sahar = passage of time] kuchh itanaa besabaat thaa har jalvaa-e-hayaat lauT aa_ii zaKm khaa ke jidhar bhii nazar ga_ii %[besabaat = momentary] aa dekh mujh se ruuThane vaale tere baGair din bhii guzar gayaa merii shab bhii guzar ga_ii naadim hai apane apane qariino.n pe har nazar duniyaa lahuu uchchhaal ke kitanii nikhar ga_ii #endindian \endsong