\startsong
\stitle{yaa rab! Gam-e-hijraa.N me.n itanaa to kiyaa hotaa}

\singers{Charag Hasan Hasrat #1}
\printtitle
#indian
yaa rab! Gam-e-hijraa.N me.n itanaa to kiyaa hotaa
jo haath jigar pe hai vo dast-e-duaa hotaa

%[Gam-e-hijraa.N = sorrow of separation]
%[dast-e-duaa = hands raised in prayer]

ek ishq kaa Gam aafat aur us pe ye dil aafat
yaa Gam na diyaa hotaa yaa dil na diyaa hotaa

Gairo.n se kahaa tum ne Gairo.n se sunaa tum ne
kuchh ham se kahaa hotaa kuchh ham se sunaa hotaa

ummiid to ba.ndh jaatii taskii.n to ho jaatii
vaadaa na vafaa karate vaadaa to kiyaa hotaa

naakaam-e-tamannaa dil is soch me.n rahataa hai
yuu.N hotaa to kyaa hotaa yuu.N hotaa to kyaa hotaa

#endindian
\endsong