\startsong
\stitle{pukaaratii hai Khaamoshii merii fugaa.N kii tarah}
\singers{Daag Dehlvi}
\printtitle
#indian

pukaaratii hai Kaamoshii merii fugaa.N kii tarah
nigaahe.n kahataii hai.n sab raaz-e-dil zubaa.N kii tarah

jalaa ke daaG-e-muhabbat ne dil ko Kaak kiyaa
bahaar aa_ii mere baaG me.n Kizaa.N kii tarah

talaash-e-yaar me.n chho.Dii na sar-zamii.n ko_ii
hamaare paa.Nv me.n chakkar hai.n aasmaa.N kii tarah

adaa-e-matlab-e-dil hamase siikh jaaye ko_ii
u.nhe.n sunaa hii diyaa haal daastaa.n kii tarah

#endindian
\endsong