\startsong
\stitle{Yaad  dasht-e-tanahaaii me.n ae jaan-e-jahaa.N larazaa.N hai}
\lyrics{Faiz Ahmed Faiz}
\singers{Faiz Ahmed Faiz}
\printtitle
#indian

dasht-e-tanahaaii me.n ae jaan-e-jahaa.N larazaa.N hai
terii aavaaz ke saaye, tere hoTho.n ke saraab
dasht-e-tanahaaii me.n duurii ke Kas-o-Kaak tale
Kil rahe hai.n tere pahaluu ke saman aur gulaab

uTh rahii hai kahiiN qurabat say terii saa.Ns kii aa.Nch
apanii Kushbuu me.n sulagatii huii maddham maddham
duur ufaq paar chamakatii huii qataraa qataraa
gir rahii hai terii diladaar nazar kii shabanam

is qadar pyaar se ae jaan-e-jahaa.N rakkhaa hai
dil ke ruKasaar pe is waqt terii yaad ne haath
yuu.N gumaa.N hotaa hai garache hai abhii subhe firaaq
Dhal gayaa hijr kaa din, aa bhii gaii wasl kii raat

#endindian
\endsong