\startsong
\stitle{Khudaa wo waqt na laaye}
\lyrics{Faiz Ahmed Faiz}
\singers{Faiz Ahmed Faiz}
\printtitle
#indian

Kudaa wo waqt na laaye ki soGawaar ho tuu
sukuu.N kii nii.nd tujhe bhii haraam ho jaaye
terii masarrat-e-paiham tamaam ho jaaye
terii hayaat tujhe talK jaam ho jaaye

Gamo.n se aaiinaa-e-dil gudaaz ho teraa
Hujuum-e-yaas se betaab hoke rah jaaye
wafuur-e-dard se siimaab ho ke rah jaaye
teraa shabaab faqat Kwaab ho ke rah jaaye

Guruur-e-husn saraapaa niyaaz ho teraa
tawiil raato.n me.n tuu bhii qaraar ko tarase
terii nigaah kisii Gam_gusaar ko tarase
Kizaa.N_rasiidaa tamannaa bahaar ko tarase

koii jabii.n na tere sang-e-aastaa.N pe jhuke
ki jins-e-ijz-o-aqiidat se tujh ko shaad kare
fareb-e-waadaa-e-farda pe aetamaad kare
Kudaa wo waqt na laaye ki tujh ko yaad aaye

wo dil ki tere liye be-qaraar ab bhii hai
wo aa.Nkh jis ko teraa intazaar ab bhii hai

#endindian
\endsong