\startsong
\stitle{aaye kuchh abr kuchh sharaab aaye}
\lyrics{Faiz Ahmed Faiz}
\singers{Faiz Ahmed Faiz}
\printtitle
#indian

aaye kuchh abr kuchh sharaab aaye
us ke baad aaye jo azaab aaye

%[azaab = trouble, difficulty]

baam-e-miinaa se maahataab utare
dast-e-saaqii me.n aaftaab aaye

har rag-e-Kuu.N me.n phir charaaGaa.N ho
saamane phir wo benaqaab aaye

umr ke har waraq pe dil ko nazar
terii meher-o-wafaa ke baab aaye

kar rahaa thaa Gam-e-jahaa.N kaa hisaab
aaj tum yaad behisaab aaye

na gaii tere Gam kii saradaarii
dil me.n yuu.n roz inqalaab aaye

jal uThe bazm-e-Gair ke dar-o-baam
jab bhii ham Kaanamaa.N_Karaab aaye

is tarah apanii Kamashii guu.Njii
goyaa har simt se jawaab aaye

'faiz' thii raah sar basar ma.nzil
ham jahaa.N pahu.Nche kaamayaab aaye

#endindian
\endsong