\startsong
\stitle{yuu.N sajaa chaa.Nd ki jhalakaa tere a.ndaaz kaa ra.ng}
\lyrics{Faiz Ahmed Faiz}
\singers{Faiz Ahmed Faiz}
\printtitle
#indian

yuu.N sajaa chaa.Nd ki jhalakaa tere a.ndaaz kaa ra.ng
yuu.N fazaa mahakii ki badalaa mere hamaraaz kaa ra.ng

saayaa-e-chashm me.n hairaa.N ruK-e-raushan kaa jamaal
surKii-e-lab pe pareshaa.N terii aavaaz kaa ra.ng

bepiye ho.n ki agar lutf karo aaKir-e-shab
shiishaa-e-may me.n Dhale subah ke aaGaaz kaa ra.ng

cha.ngo-nay ra.ng pe the apane lahuu ke dam se
dil ne lay badalii to madham huaa har saaz kaa ra.ng

%[cha.ng= a type of musical instrument; nay = flute]

ik suKan aur ki phir ra.ng-e-takallum teraa
harf-e-saadaa ko inaayat kare ejaaz kaa ra.ng

%[takallum = conversation; ejaaz = miracle]

#endindian
\endsong