\startsong
\stitle{garmii-e-shauq-e-nazzaaraa kaa asar to dekho}
\singers{Faiz Ahmed Faiz}
\printtitle
#indian

garmii-e-shauq-e-nazzaaraa kaa asar to dekho
gul khile jaate hai.n vo saayaa-e-dar to dekho

%[saayaa-e-dar = door’s shadow]

aise naadaa.N to na the jaa.N se guzaranevaale
naasiho, rahabar-o-raahaguzar to dekho

%[naasiho = one who advises; rahabar = travelling companion]

vo to vo hai.n tumhe.n ho jaayegii ulfat mujhase
ek nazar tum meraa mahabuub-e-nazar to dekho

vo jo ab chaak garebaa.N  bhii nahii.n karate hai.n
dekhanevaalo kabhii un kaa jigar to dekho

daaman-e-dard ko gulazaar banaa rakhaa hai
aao ek din dil-e-puraKuu.N kaa hunar to dekho

%[gulazaar = garden; puraKuu.N = seeped in blood; hunar = skill]

subah kii tarah jhamakataa hai shab-e-Gam kaa ufaq
"faiz" taabi.ndagii-e-diidaa-e-tar to dekho

%[ufaq = zenith; taabi.ndagii-e-diidaa-e-tar = brightness of tear-filled eyes]

#endindian
\endsong