\startsong
\stitle{kahii.n to kaaravaan-e-dard kii ma.nzil Thahar jaaye}
\singers{Faiz Ahmed Faiz}
\printtitle
#indian

kahii.n to kaaravaan-e-dard kii ma.nzil Thahar jaaye
kinaare aa lage umr-e-ravaa.N yaa dil Thahar jaaye

amaa.N kaisii ki mauj-e-Kuu.N abhii sar se nahii.n guzarii
guzar jaaye to shaayad baazuu-e-qaatil Thahar jaaye

ko_ii dam baadabaan-e-kashtii-e-sahabaa ko tah rakho
zaraa Thaharo Gubaar-e-Kaatir-e-mahafil Thahar jaaye

hamaarii Kamoshii bas dil se lab tak ek vaqfaa hai
ye tuufaa.N hai jo pal bhar bas lab-e-saahil Thahar jaaye

nigaah-e-mu.ntazir kab tak karegii aa_iinaaba.ndii
kahii.n to dasht-e-Gam me.n yaar kaa mahamil Thahar jaaye

#endindian
\endsong