\startsong
\stitle{tumhaarii yaad ke jab zaKhm bharane lagate hai.n}
\singers{Faiz Ahmed Faiz #47}
\printtitle
#indian

tumhaarii yaad ke jab zaKm bharane lagate hai.n
kisii bahaane tumhe.n yaad karane lagate hai.n

hadiis-e-yaar ke unavaa.N nikharane lagate hai.n
to har hariim me.n gesuu sa.Nvarane lagate hai.n

%[hariim - house]

har ajanabii hame.n maharam dikhaa_ii detaa hai
jo ab bhii terii galii galii se guzarane lagate hai.n

%[maharam = acquaintance]

sabaa se karate hai.n Gurbat-nasiib zikr-e-vatan
to chashm-e-subah me.n aa.Nsuu ubharane lagate hai.n

%[Gurbat-nasiib = those in exile; chashm = eye]

vo jab bhii karate hai.n is nutq-o-lab kii baKiyaagarii
fazaa me.n aur bhii naGme.n bikharane lagate hai.n

%[nutq-o-lab = speech and lips]

dar-e-qafas pe a.Ndhere kii muhar lagatii hai
to "faiz" dil me.n sitaare utarane lagate hai.n

%[dar-e-qafas = door of the prison]

#endindian
\endsong