\startsong
\stitle{jadaa-e-fan me.n ba.De saKht muqaam aate hai.n}
\singers{Dilawar Figaar}
\printtitle
#indian

jadaa-e-fan me.n ba.De saKt muqaam aate hai.n
mar ke rah jaataa hai fanakaar amar hone tak

kitane Gaalib the jo paidaa huye aur mar bhii gaye
qadradaan.n ko taKallus ki kHabar hone tak

kitane iqabaal rah-e-fikr me.n uThe lekin
raastaa bhuul gaye Katm-e-safar hone tak

kitane shabbiir hasan khaa.N na bane josh kabhii
mar gaye kitane sikander bhii jigar hone tak

faiz ra.ng bhii ashaar me.n aa sakataa thaa
u.ngaliyaa.N saath to de.n Kuun me.n tar hone tak

cha.nd zarro.n hi ko milatii hai ziyaa-e-Kurshiid
cha.nd taare hii chamakate hai.n sahar hone tak

dil-e-shaayar pe kuchh aisii hii guzaratii hai 'figaar'
jo kisii qatare pe guzare hai guhar hone tak

#endindian
\endsong