\startsong
\stitle{aah  ko chaahiye  ik umr  asar hone  tak}
\lyrics{Mirza Ghalib}
\singers{Mirza Ghalib}
\printtitle
#indian

aah  ko chaahiye  ik umr  asar hone  tak
kaun jiita hai terii zulf ke sar hone tak

daam har mauj me.n hai halqaa-e-sad_kaam-e-naha.ng
dekhe.n kyaa guzre hai qatare  pe gauhar hone tak

%[daam = net/trap; mauj = wave; halqaa = ring/circle; sad = hundred;naha.ng = crocodile;]
%[sad_kaam-e-nahaNg = crocadile with a hundred jaws; gauhar = pearl]

aashiqii  sabr-talab aur tamannaa  betaab
dil kaa kyaa ra.ng karuu.N Kuun-e-jigar hone tak

%[sabr-talab = patient]

ham ne  maanaa ke taGaaful na karoge lekin
Kaak ho jaaye.nge ham tumako Kabar hone tak

%[taGaaful = neglect/ignore]

partav-e-Kuur se hai shabanam ko fanaa kii taaliim
mai.n  bhii  huu.N ek inaayat  kii nazar hone tak

%[partav-e-Kuur = sun's rays; shabanam = dew; fanaa = decimate; inaayat = favour]

yak_nazar besh nahii.n fursat-e-hastii Gaafil
garmii-e-bazm hai ik raqs-e-sharar hone tak

%[besh = excess; Gaafil = ignorant; raqs = dance, sharar = flash/fire]

Gam-e-hastii kaa 'Asad' kis se ho juz marg ilaaj
shamm'a har ra.ng me.n jalatii hai sahar hone tak

%[juz = other than; marg = death]

#endindian
\endsong