\startsong
\stitle{be-aitadaaliyo.n se subuk sab me.n ham hue}
\lyrics{Mirza Ghalib}
\singers{Mirza Ghalib}
\printtitle
#indian

be-aitadaaliyo.n se subuk sab me.n ham hue
jitane ziyaadaa ho gaye utane hii kam hue

%[be-aitadaaliyo.n = intemperatness/immoderation; subuk = embarrassed]

pinhaa.N thaa daam saKt qariib aashiyaa.N ke
u.Dane na  paaye the ki giraftaar ham hue

%[pinhaa.N = concealed; daam = trap]

hastii hamaarii apanii fanaa par daliil hai
yaa.N tak miTe ke aap ham apanii qasam hue

%[daliil = argument/example]

saKtii_kashaan-e-ishq kii puuchhe hai kyaa Kabar
wo log raftaa-raftaa saraa_paa alam hue

%[saKtii_kashaan-e-ishq = travails/problems of people in love; saraa_pa = from head to feet; alam = sorrow ]

terii wafaa se kyaa ho talaafii ki dahar me.n
tere siwaa bhii ham pe bahot se sitam hue

%[talaafii = complaint, dahar = world, sitam = oppression]

likhate rahe junuu.N kii hikaayat-e-Kuu.N_chakaa.N
harcha.nd  is me.n haath hamaare qalam hue

%[junuu.N = ecstasy; hikaayat = story/narrative;  Kuu.N_chakaaN = blood-drenched; qalam = cut]

allaah re! terii tu.ndii-e-Kuu, jisake biim se
azzaa-e-naalaa dil me.n mere rizqe-ham hue

%[tu.ndii-e-Kuu = habit of aggressiveness; biim = terror]
%[azzaa-e-naalaa = pieces of screams; rizq = subsistence]

ahal-e-hawas kii fatah hai, tark-e-nabard-e-ishq
jo  paa.Nv uTh  gaye wo hii un ke alam hue

%[ahal-e-hawas = greedy; tark = relinquishment, nabard = battle, alam = flag/banner ]

naal-e-adam me.n cha.nd hamaare supurd the
jo waa.N na khi.nch sake so wo yaa.N aake dam hue

%[naale = voice; adam = non-existence, dam = breath]

cho.Dii 'Asad' na hamane gadaaii me.n dil_lagii
saail hue to aashiq-e-ahal-e-karam hue

%[gadaaii = beggary; saail = begger; dil_lagii = amusement; ahal-e-karam = charitable person ]

#endindian
\endsong