\startsong
\stitle{daayam  pa.Daa  huaa  tere  dar  par nahii.n  huu.N mai.n}
\lyrics{Mirza Ghalib}
\singers{Mirza Ghalib}
\printtitle
#indian

daayam  pa.Daa  huaa  tere  dar  par nahii.n  huu.N mai.n
Kaak aisii zi.ndagii pe ke paththar nahii.n huu.N mai.n

%[daayam = forever]

kyuu.N  gardish-e-mudaam se ghabaraa na jaaye dil
insaan huu.N, pyaalaa-o-saaGar nahii.n huu.N mai.n

%[gardish = bad time/luck; mudaam = always]

yaarab! zamaanaa mujh ko miTaataa hai  kis liye
lauh-e-jahaa.N pe harf-e-mukarrar nahii.n huu.N mai.n

%[harf = alphabet; mukarrar = again]

had  chaahiye sazaa me.n uquubat ke waaste
aaKir gunaahagaar huu.N, kaafir nahii.n huu.N mai.n

%[uqoobat = pain]

kis waaste aziiz nahii.n jaanate mujhe
laal-o-zumaruud-o-zar-o-gauhar nahii.n huu.N mai.n

%[laal = ruby;  zumuruud = emerald; zar = gold; gauhar = pearl]

rakhate ho tum qadam merii aa.Nkho.n se kyuu.n dareG
rutabe me.n mahr-o-maah se kamatar nahii.n huu.N mai.n

%[dareG = concealed, mahr = sun, maah = moon]

karate ho mujhako manaa-e-qadam_bos  kis liye
kyaa aasmaa.N ke bhii baraabar nahii.n huu.N mai.n

%[bosa = kiss]

'Ghalib' wazifaa_Kwaar ho, do shaah ko duaa
wo din gaye ki kahate the "naukar nahii.n huu.N mai.n"

%[wazifaa_Kwaar = pensioner]

#endindian
\endsong