\startsong
\stitle{dil hii to hai na sa.ng-o-Khisht dard se bhar na aae kyuu.N}
\lyrics{Mirza Ghalib}
\singers{Mirza Ghalib}
\printtitle
#indian

dil hii to hai na sa.ng-o-Kisht dard se bhar na aae kyuu.N
roe.nge ham hazaar baar koii hame.n sataae kyuu.N

%[sa.ng = stone, Kisht = brick]

dair nahii.n haram nahii.n dar nahii.n aastaa.N nahii.n
baiThe hai.n rahaguzar pe ham Gair hame.n uThaae kyuu.N

%[dair = temple, haram = mosque, dar = gate, aastaa.N = doorstep]

jab vo jamaal-e-dilafaroz, suurat-e-mahr-e-niimaroz
aap hii ho nazaaraasoz, parde me.n muu.Nh chhupaae kyuu.N

%[jamaal-e-dilafaroz = face whose beauty lights up the heart; mahr-e-niimaroz = midday sun]
%[nazaaaraasoz = sight which sears/burns]

dashnaa-e-Gamzaa jaa.Nsitaa.N, naavak-e-naaz bepanaah
teraa hii aks-e-ruK sahii, saamane tere aae  kyuu.N

%[dashnaa = dagger; Gamzaa = amorous glance; jaa.Nsitaa.N = fatal/jaan lene vaalaa;]
%[naavak = arrow; naavak-e-naaz = arrow of pride; aks = image ]

qaid-e-hayaat-o-band-e-Gam asl me.n dono.n  ek hai.n
maut se pahale aadamii Gam se najaat paae kyuu.N

%[qaid-e-hayaat = prison of life; band-e-Gam = bindings/chains of sorrow; najaat = freedom/liberation]

husn aur us pe husn-e-zan rah gaii bulahavas kii sharm
apane pe etimaad hai Gair ko aazamaae kyuu.N

%[husn-e-zan = agreement; bulahavas = excessive desires; etimaad = trust]

vaa.N vo Guroor-e-izz-o-naaz yaa.N ye hijaab-e-paas vaz_a
raah me.n ham mile.n kahaa.N, bazm me.n vo bulaaye.n kyuu.N

%[Guroor-e-izz-o-naaz = pride of modesty; hijaab-e-paas vaz_a = shy respect]

haa.N vo nahii.n Kudaaparast,  jaao vo bevafaa sahii
jisako ho diin-o-dil aziiz, usakii galii me.n jaae kyuu.N

%[Kudaaparast = follower of Kuda = Muslim; diin-o-dil  = religion/faith and heart; aziiz = dear]

"Ghalib"-e-Kastaa ke baGair kaun se kaam band hai.n
roiie zaar-zaar  kyaa, kiijie haae-haae kyuu.N

%[Kastaa = wretched/durdashaa-grast; zaar-zaar = bitterly/phuuT-phuuT kar]

#endindian
\endsong