\startsong
\stitle{ghar jab banaa liyaa hai tere dar par kahe baGair}
\lyrics{Mirza Ghalib}
\singers{Mirza Ghalib}
\printtitle
#indian

ghar jab banaa liyaa hai tere dar par kahe baGair
jaanegaa ab bhii tuu na meraa ghar kahe baGair

kahate hai.n, jab  rahii na mujhe  taaqat-e-suKan
jaanuu.N kisii ke dil ki mai.n kyuu.Nkar kahe baGair

%[taaqat-e-suKan = strength to speak]

kaam us se aa pa.Daa hai ki jisakaa jahaan me.n
leve naa koii naam sitamagar kahe baGair

jii me.n hii kuchh nahii.n hai hamaare vagarnaa ham
sar jaae yaa rahe na rahe.n par kahe baGair

chho.Duu.Ngaa mai.n na us but-e-kaafir kaa puujanaa
chho.De na Kalq go mujhe kaafir kahe baGair

%[but = idol, Kalq = world ]

maqsad hai naaz-o-Gamzaa vale guftaguu me.n kaam
chalataa nahii.n hai, dashnaa-o-Ka.njar kahe baGair

%[Gamzaa = amorous glance; dashnaa = dagger ]

har chand ho mushaahidaa-e-haq kii guftaguu
banatii nahii.n hai baadaa-o-saaGar kahe baGair

%[mushaahid-e-haq = inspection of truth;]

baharaa huu.N mai.n to chaahiye duunaa ho iltafaat
sunataa nahii.n huu.N baat muqarrar kahe baGair

%[iltafaat = mercy; muqarrar = again]

"Ghalib" na kar huzuur me.n tuu baar-baar arz
zaahir hai teraa haal sab un par kahe baGair

#endindian
\endsong