\startsong
\stitle{hai bas ki har ik unake ishaare me.n nishaa.N aur}
\lyrics{Mirza Ghalib}
\singers{Mirza Ghalib}
\printtitle
#indian

hai bas ki har ik unake ishaare me.n nishaa.N aur
karate hai.n muhabbat to guzarataa hai gumaa.N aur

%[gumaa.N = doubt]

yaa rab vo na samajhe hai.n na samajhe.nge merii baat
de aur dil unako jo na de mujhako zubaa.N aur

abaruu se hai kyaa us nigaah -e-naaz ko paiba.nd
hai tiir muqarrar  magar usakii hai kamaa.N aur

%[abaruu = eyebrow; paiba.nd = patch]

tum shahar me.n ho to hame.n kyaa Gam jab uThe.nge
le aae.nge baazaar se jaakar dil-o-jaa.N aur

har cha.nd subuk_dast hue but_shikanii me.n
ham hai.n to abhii raah me.n hai sa.ng-e-giraa.N aur

%[subuk_dast = expert; but_shikanii = iconoclast;  sa.ng = stone; giraa.N = heavy ]

hai Kuun-e-jigar josh me.n dil khol ke rotaa
hote kaii jo diidaa-e-Kuu.Nnaaba_fishaa.N aur

%[diidaa = eye; Kuu.Nnaaba = mixture of blood and water; fishaa. N = to shed]

marataa huu.N is aavaaz pe har cha.nd sar u.D jaae
jallaad ko lekin vo kahe jaaye ki haa.N aur

logo.n  ko hai Kurshiid-e-jahaa.N taab kaa dhokaa
har roz dikhaataa huu.N mai.n ik daaG-e-nihaa.N aur

%[Kurshiid = sun; taab = power (here it means brightness); nihaa.N = hidden ]

letaa na agar dil tumhe.n detaa koii dam chain
karataa jo na marataa koii din aah-o-fuGaa.N aur

paate nahii.n jab raah to cha.D jaate hai.n naale
rukatii hai merii tabaa to hotii hai ravaa.N aur

%[naale = lament; tabaa = temperament]

hai.n aur bhii duniyaa me.n suKanavar bahut achchhe
kahate hai.n ki 'Ghalib' kaa hai a.ndaaz-e-bayaa.N aur

%[suKanavar = poet]

#endindian
\endsong