\startsong
\stitle{hazaaro.n Khvaahishe.n aisii ki har Khvaaish pe dam nikale}
\lyrics{Mirza Ghalib}
\singers{Mirza Ghalib}
\printtitle
#indian

hazaaro.n Kvaahishe.n aisii ki har Kvaaish pe dam nikale
bahut nikale mere armaa.N lekin phir bhii kam nikale

Dare kyuu.N meraa qaatil kyaa rahegaa usakii gardan par
vo Kuu.N jo chashm-e-tar se umr bhar yuu.N dam-ba-dam nikale

%[chashm = eye; tar = wet; dam_ba_dam = continously]

nikalanaa Kuld se aadam kaa sunate aae hai.n lekin
bahut be-aabaruu hokar tere kuuche se ham nikale

%[Kuld = Paradise; be-aabaruu = disgrace;  kuuchaa = street]

bharam  khul  jaae zaalim tere qaamat kii daraazii kaa
agar is turraa-e-purapech-o-Kam  kaa  pech-o-Kam nikale

%[qaamat = stature; daraazii = length/delay; turra = ornamental tassel worn in the turban]
%[pech-o-Kam = curls in the hair]

magar likhavaae koii usako Kat to hamase likhavaae
huii subah aur ghar se kaan par rakkhar qalam nikale

huii is  daur me.n ma.nsuub  mujhase baadaa-ashaamii
phir aayaa vo zamaanaa jo jahaa.N se jaam-e-jam nikale

%[ma.nsuub = association, baada_aashaamee = havign to do with drinks]

huii jinase  tavaqqo Kastagii  kii daad paane kii
vo hamase bhii ziyaadaa Kastaa-e-teG-e-sitam nikale

%[tavaqqo = expectation; Kastagii = injury, daad = justice]
%[Kasta = broken/sick/injured, teG = sword, sitam = cruelity ]

muhabbat me.n nahii.n  hai farq jiine aur  marane kaa
usii ko dekh kar jiite hai.n jis kaafir pe dam nikale

zara kar  jor  siine  par  ki  tiir-e-pursitam  nikale
jo vo nikle to dil  nikale jo dil nikale to dam nikale

Kudaa  ke vaaste  pardaa  na  kaabe  se  uThaa zaalim
Kahii.n aisaa na ho yaa.N bhii vahii kaafir sanam nikale

Kahaa.N maiKaane ka daravaazaa 'Ghalib' aur kahaa.N vaaiz
par itanaa  jaanate hai.n  kal vo jaataa thaa ke ham nikale

%[vaaiz = preacher]

#endindian
\endsong