\startsong
\stitle{kabhii nekii bhii usake jii me.n aa jaae hai mujhase}
\lyrics{Mirza Ghalib}
\singers{Mirza Ghalib}
\printtitle
#indian

kabhii nekii bhii usake jii me.n aa jaae hai mujhase
jafaae.n karake apanii yaad sharmaa jaae hai mujhase

Kudaayaa! Jazbaa-e-dil kii magar taasiir ulaTii hai
ki jitanaa khe.nchataa huu.N aur khi.nchataa jaae hai mujhase

vo bad Kuu aur merii daastan-e-ishq tuulaaniii
ibaarat muKtasar, qaasid bhii ghabaraa jaae hai mujhase

%[bad Kuu = bad blood, a person with bad habits; tuulaanii = long;]
%[ibaarat = composition; qaasid = messenger]

udhar vo badagumaanii hai, idhar ye naatavanii hai
naa puuchhaa jaae hai usase, na bolaa jaae hai mujhase

sa.Nbhalane de mujhe ae naaumiidii, kyaa qayaamat hai
ki daamaane Kayaale yaar chhuutaa jaae hai mujhase

takalluf bar taraf nazzaaragii me.n bhii sahii, lekin
vo dekhaa jaae, kab ye zulm dekhaa jaae hai mujhase

%[takalluf bar taraf = end of formality; nazzaaragii = to watch]

hue hai.n paa.Nv hii pahale nabard-e-ishq me.n zaKmii
na bhaagaa jaae hai mujhase, na Thaharaa jaae hai mujhase

%[nabard-e-ishq = struggle in love]

qayaamat hai ki hove muddaii kaa hamsafar ‘Ghalib’
vo kaafir, jo Kudaa ko bhii na sau.npaa jaae hai mujhase

#endindian
\endsong