\startsong
\stitle{muddat  huii hai yaar ko mahamaa.N kiye hue}
\lyrics{Mirza Ghalib}
\singers{Mirza Ghalib}
\printtitle
#indian

muddat  huii hai yaar ko mahamaa.N kiye hue
josh-e-qadah se bazm charaaGaa.N kiye hue

%[qadah = goblet ]

karataa huu.N jamaa phir jigar-e-laKt-laKt ko
arsaa huaa hai daavat-e-mizshgaa.N kiye hue

%[laKt = piece, mizshgaa.N = eyelid ]

phir vazaa-e-ehatiyaat se rukane lagaa hai dam
baraso.n hue hai.n chaak girebaa.N kiye hue

%[vazaa = conduct/behaviour, ehatiyaat = care, chaak = torn, girebaa.N = collar ]

phir garm_naalaa haae sharar_baar hai nafas
muddat huii hai sair-e-charaaGaa.N kiye hue

%[sharar_baar = raining sparks of fire, nafas = breath ]

phir pursish-e-jaraahat-e-dil ko chalaa hai ishq
saamaa.N-e-sad_hazaar namak_daa.N kiye hue

%[pursish = enquiry, jaraahat (or jiraahat) = surgery, sad = hundred]
%[namak_daa.N = container to keep salt ]

phir bhar rahaa huu.N Kaamaa-e-mizshgaa.N baa_Kuun-e-dil
saaz-e-chaman_taraazii-e-daamaa.N kiye hue

%[ Kaama = pen, mizhgaa.N = eyelid, saaz = disposition, taraazii = consenting ]

baa_ham_digar hue hai.n dil-o-diidaa phir raqiib
nazzaaraa-o-Kayaal kaa saamaa.N kiye hue

%[ham_digar = mutual/in betveen, saamaa.N = confront ]

dil phir tavaaf-e-kuu-e-malaamat ko jaae hai
pi.ndaar kaa sanam_kadaa viiraa.N kiye hue

%[tavaaf = circuit, kuu = lane/street, malaamat = blame]
%[pi.ndaar = pride/arrogance, sanam_kadaa = temple ]

phir shauq kar rahaa hai Kariidaar kii talab
arz-e-mataa-e-aql-o-dil-o-jaa.N kiye hue

%[talab = search, mataa = valuables ]

dau.De hai phir har ek gul-o-laalaa par Kayaal
sad_gul_sitaa.N nigaah  kaa saamaa.N  kiye hue

phir chaahataa huu.N naamaa-e-dil_daar kholanaa
jaa.N nazar-e-dil_farebii-e-unvaa.N kiye hue

%[naama-e-dildaar = love letter, unvaa.N = title]

maa.Nge hai phir kisii ko lab-e-baam par havas
zulf-e-siyaah  ruK pe pareshaa.N kiye hue

%[lab-e-baam = the corner of a terrace, siyaah = black/dark ]

chaahe phir kisii ko muqaabil me.n aarazuu
surme se tez dashnaa-e-mizshgaa.N kiye hue

%[muqaabil = confronting, dashnaa = dagger, mizshgaa.N = eyelids ]

ik nau_bahaar-e-naaz ko taake hai phir nigaah
chehara furoG-e-mai se gulistaa.N kiye hue

%[nau_bahaar-e-naaz = lover, furoG = light/bright ]

phir jii me.n hai ki dar pe kisii ke pa.De rahe.n
sar zer baar-e-minnat-e-darbaa.N kiye hue

%[sar zer baare = bowed head]

jii Dhuu.NDhataa hai phir vahii fursat ke raat din
baiThe rahe.n tasavvur-e-jaanaa.N kiye hue

%[tasavvur = imagination]

'Ghalib' hame.n na chhe.D ki phir josh-e-ashk se
baiThe hai.n ham tahayyaa-e-tuufaa.N kiye hue

%[tahayyaa = determined ]

#endindian
\endsong