\startsong
\stitle{na huii gar mere marane se tasallii na sahii}
\lyrics{Mirza Ghalib}
\singers{Mirza Ghalib}
\printtitle
#indian

na huii gar mere marane se tasallii na sahii
imtihaa.N aur bhii baaqii ho to ye bhii na sahii

Kaar-Kaar-e-alam-e-hasarat-e-diidaar to hai
shauq gulachiin-e-gulistaan-e-tasallii na sahii

may parastaa.N Kum-e-may muu.nh se lagaae hii bane
ek din gar na huaa bazm me.n saaqii na sahii

nafaz-e-qais ke hai chashm-o-charaaG-e-saharaa
gar nahii.n shama-e-siyahaKaanaa-e-lailaa na sahii

ek ha.ngaame pe maukuuf hai ghar kii raunak
noh-e-Gam hii sahii, naGmaa-e-shaadii na sahii

na sitaaish kii tamannaa na sile kii parawaah
gar nahii.n hai mere ashaar me.n maane na sahii

isharat-e-sohabat-e-Kubaa.N hii Ganiimat samajho
na huii "Ghalib" agar umr-e-tabii_ii na sahii

#endindian
\endsong