\startsong
\stitle{rone se aur ishq me.n  bebaak ho gae}
\lyrics{Mirza Ghalib}
\singers{Mirza Ghalib}
\printtitle
#indian

rone se aur ishq me.n  bebaak ho gae
dhoe gae ham aise ki bas paak ho gae

%[bebaak = outspoken/bold, paak = pure/clean/holy ]

sarf-e-bahaa-e-mai hue aalaat-e-maikashii
the ye hii do hisaab so yo.n paak ho gae

%[sarf = expenditure, bahaa = value/price, mai = bar]
%[aalaat = instruments, apparatus; maikashii = drinking]

rusavaa-e-dahar go hue aavaargii  se tum
baare tabiiyato.n ke to chaalaak ho gae

%[dahar = vorld, baare = at last]

kahataa hai kaun naalaa-e-bul_bul ko beasar
parde me.n gul ke laakh jigar chaak ho gae

%[chaak = slit/torn ]

puuchhe hai kyaa vajuud-o-adam ahl-e-shauq kaa
aap apanii  aag se Kas-o-Kaashaak ho gae

%[vajuud = existence; adam = non-existence, Kas-o-Kaashaak = destroyed]

karane gaye the us se taGaaful kaa ham gilaa
kii ek hii nigaah ki bas Kaak ho gae

%[taGaaful = negligence, gilaa = complaint, Kaak = dust/ashes]

is ra.ng se uThaaii kal us ne 'Asad' kii naash
dushman  bhii jis ko dekh ke Gam_naak ho gae

%[Gam_naak = grief stricken ]

#endindian
\endsong