\startsong
\stitle{taskii.N ko ham na roe.n jo zauq-e-nazar mile}
\lyrics{Mirza Ghalib}
\singers{Mirza Ghalib}
\printtitle
#indian

taskii.N ko ham na roe.n jo zauq-e-nazar mile
huraa.N-e-Kuld me.n terii suurat magar mile

apanii galii me.n mujh ko na kar dafn baad-e-qatl
mere pate se Kalq ko kyo.n teraa ghar mile

saaqii garii kii sharm karo aaj varnaa ham
har shab piyaa hii karate hai.n mai jis qadar mile

tujh se to kuchh kalaam nahiin lekin ae nadiim
meraa salaam kahiiyo agar naamaabar mile

tum ko bhii ham dikhaae ke majanuu.N ne kyaa kiyaa
fursat kashaakash-e-Gam-e-pinhaa.N se gar mile

laazim nahii.n ke Kijr kii ham pairavii kare.n
maanaa ke ek buzurg hame.n ham safar mile

ae saakanaan-e-kuchaa-e-dil_daar dekhanaa
tum ko kahii.n jo Ghalib-e-aashuftaa sar mile

#endindian
\endsong